काठमाडौं । घुस डिल प्रकरणमा मुछिएका संघीय मामिला तथा सामान्य प्रशासन मन्त्री राजकुमार गुप्तालाई मन्त्री पदबाट हटाइने भएको छ । उनलाई प्रधानमन्त्रीले बालुवाटारमा बोलाएर कुराकानी गर्ने तयारी गरेको छ ।
मन्त्री गुप्ताको ६ महिनाअघिको घुस प्रकरणको अडियो अहिले सार्वजनिक भएको छ । पुसमा नै यो प्रकरण भए पनि केही दिनअघि मात्र अडियो बाहिर आएको हो । घुस प्रकरणको यो विषयले संघीय संसदमा समेत प्रवेश पाइसकेको छ ।
प्रधानमन्त्री केपी शर्मा ओलीले मन्त्री गुप्ताको घुस प्रकरणमा ‘एक्सन’ लिने तयारी गरेका छन्। मन्त्री गुप्ताले पनि पार्टीको निर्देशन आए छानबिनका लागि मार्गप्रशस्त गर्ने बताएका छन्। ‘पार्टीले छानबिन गरे म तयार छु,’ मन्त्री गुप्ताले भने । अख्तियार दुरुपयोग अनुसन्धान आयोगलाई कुराकानीको अडियो, घुसबापत दिइएको नोटमा उल्लेख गरिएको नम्बरसहितको डायरी बुझाइएको छ।
