काठमाडौं । ललितपुरको सातदोबाटोस्थित एक अवैध कल सेन्टरबाट दुई जना भारतीय सहित ५३ जना पक्राउ परेका छन् ।
केन्द्रीय अनुसन्धान ब्युरो (सीआईबी)को टोलीले सोमबार राति छापा हानेर उनीहरूलाई नियन्त्रणमा लिएको हो ।
पक्राउ पर्नेमध्ये दुईजना भारतीय बाहेक बाँकी सबै नेपालीहरु रहेको सीआईबीले जानकारी दिएको छ ।
कल सेन्टरबाट सीआईबीले ८५ वटा ल्याप्टपका साथै ८२ वटा मोबाइल बरामद गरेको छ । प्रारम्भीक अनुसन्धानबाट पक्राउ परेका व्यक्तिहरुले सातदोबाटोमा कल सेन्टर चलाएर अनलाइन जुवा लगायत अवैध गतिविधि गरिरहेको खुलेको छ ।
आज उनीहरुलाई म्याद थप गरी विस्तृत अनुसन्धान गरिने सीआईबीले जनाएको छ ।
