काठमाडौँ। पोर्तुगिज फुटबल स्टार क्रिस्टियानो रोनाल्डो (४१) र लामो समयदेखिको प्रेमिका जर्जिना रोड्रिगेज (३२) आधिकारिक रूपमा पति-पत्नी बनेका छन्। पोर्तुगलको काश्काइसमा भएको साधारण नागरिक विवाह समारोहमा उनीहरूका पाँच सन्तान उपस्थित थिए। दुवैले सामाजिक सञ्जालमा औंठी देखिने साझा तस्बिर सेयर गर्दै विवाहको पुष्टि गरे। यो घटना उनीहरूको सगाईको ठ्याक्कै एक वर्षपछि भएको हो। गत वर्ष अगस्ट ११ मै जर्जिनाले सगाईको खबर सार्वजनिक गरेकी थिइन्।
सन् २०१६ देखि सम्बन्धमा रहेका यी जोडी झन्डै एक दशकपछि विवाह बन्धनमा बाँधिएका हुन्।
