काठमाडौं । नेपाल धितोपत्र बोर्ड अध्यक्षका थप दुईजना उम्मेदवारको अन्तर्वार्ता सकिएको छ । सिंहदरबारमा भएको अन्तर्वार्तासँगै प्रस्तुति सकिएको

बोर्डका निवर्तमान कार्यकारी निर्देशक नवराज अधिकारी र नेप्सेका प्रमुख कार्यकारी अधिकृत कृष्णबहादुर कार्की अन्तर्वार्ताको लागि उपस्थिति भएका थिए । अर्का उम्मेदवार बीमा प्राधिकरणका पूर्वअध्यक्ष चिरञ्जीवी चापागाईं भने अनुपस्थित भएनन् ।

अध्यक्षका लागि सर्टलिस्टमा परेका पाँचमध्ये यी तीन जनाको अन्तर्वार्ता तथा कार्ययोजना प्रस्तुति हुनसकेको थिएन । जसमध्ये आज दुई उम्मेदवारले आज अन्तर्वार्ता दिएका छन् ।
अर्का दुई उम्मेद्वार सन्तोषनारायण श्रेष्ठ र मुक्तिनाथ श्रेष्ठले यसअघि नै अन्तर्वार्ता तथा कार्ययोजना प्रस्तुत गरिसकेका छन् ।

अब अन्तर्वार्ता तथा कार्यायोजना प्रस्तुत गरेका चार जनामध्ये समितिले उत्कृष्टताका आधारमा कम्तीमा तीन जनाको नाम मन्त्रिपरिषद् बैठकमा सिफारिस गर्नेछ । तीमध्ये एक जनालाई मन्त्रिपरिषद्ले अध्यक्ष नियुक्त गर्ने व्यवस्था रहेको छ ।
तीनजना मात्रै सिफारिस गर्नुपर्ने भएकाले एकजना अनुपस्थितिले कुनै अर्थ नराख्ने सिफारिस समितिका एक सदस्यले जानकारी दिए ।

असोज १८ गते बोलाइएको अन्तर्वार्तामा सिफारिस समितिका संयोजक अधिकारी बिरामी भएपछि स्थगित भएको थियो ।

धितोपत्र बोर्ड २०८० पुस २० पछि कार्यकारी अध्यक्षविहीन रहेको छ ।