काठमाडौँ। आईसीसी क्रिकेट विश्वकप लिग २ को एकदिवसीय शृंखलाको अन्तिम खेलमा आज नेपालले नेदरल्याण्ड्सको सामाना गर्दैछ ।
खेल आज नेपाली समयअनुसार अपरान्ह ३ : ४५ बजेदेखि स्कडल्याण्डको डुन्डीमा सुरु हुनेछ ।
नेदरल्याण्ड्ससँगको पहिलो खेलमा नेपाल विजयी भएको थियो । अहिलेसम्म ३ खेल खेलेको नेपालले स्कटल्याण्डसँगको पहिलो खेलमा जित हासिल गरेको थियो भने गत आइतबारको खेलमा भने कीर्तिमानी जितबाट चुकेको थियो । स्कटल्याण्डसंग २ रनले पराजित भएको थियो ।
नेपाल र स्कटल्याण्डसँग १-१ खेल खेलेको नेदरल्याण्ड्स भने दुवै खेलमा पराजित भएको छ ।
हालसम्म नेपाल र नेदरल्याण्ड्सबीच ओडिआईमा भएका ६ खेलमध्ये नेपालले र नेदरल्याण्ड्सले ३ / ३ खेल जितेको छ ।
लिग २ को अंकतालिकामा २६ अंक सहित नेदरल्याण्ड्स दोस्रो स्थानमा छ भने नेपाल १० अंक जोडेर सातौं स्थानमा रहेको छ ।
सक्रिय न्युजबाट साभार
