रुसको राजधानी मस्कोमा 'स्कूटर बम' विस्फोटन हुँदा रुसी सेनाका एक वरिष्ठ अधिकारीको मृत्यु भएको छ। युक्रेनले उक्त आक्रमण आफूले गराएको दाबी गरेको छ।
मस्कोस्थित एउटा आवासीय क्षेत्रको द्वारमा दुईपाङ्ग्रे विद्युतीय सवारीसाधनमा लुकाइएको विस्फोटक पदार्थयुक्त उपकरण मङ्गलवार बिहान पड्किँदा लेफ्टिनन्ट जेनरल इगोर किरिलोफको ज्यान गएको हो।
किरिलोफ रुसको विकिरण, रासायनिक तथा जैविक सुरक्षा फौजका प्रमुख थिए ।
पश्चिमा देशहरूले उनी युक्रेनमा जारी युद्धमा रुसी रासायनिक अस्त्रहरूको प्रयोगका लागि जिम्मेवार भएको आरोप लगाउँदै आएका थिए।
