काठमाडौं । गोरखाको अजिरकोट गाउँपालिका भ्रष्टाचार नियन्त्रण तथा सुशासन प्रबद्र्धन सम्बन्धि अन्तरक्रिया कार्यक्रम सहभागी भयो । अख्तियार दुरुपयोग अनुसन्धान आयोगको कार्यालय, पोखराको आयोजनामा भएको पालिकास्तरीय उक्त अन्तरक्रिया कार्यक्रममा सहभागीहरुलाई भ्रष्टाचार नियन्त्रण र सुशासन सम्वन्धि विविध विषयहरुमा प्रशिक्षित गरिएको थियो ।
स्थानीय निकायहरुमा हुने भ्रष्टाचार सम्बन्धी सचेतना तथा नियन्त्रण गर्ने उद्देश्य सहित उक्त कार्यक्रम आयोजना गरिएको थियो ।
कार्यक्रममा गाउँपालिकाका पदाधिकारी, कर्मचारी लगायत सुरक्षाकर्मीहरुको उपस्थिति रहेको थियो ।
विभिन्न उत्कृष्ट गतिविधिहरु गरेर राम्रो ख्याति कमाईरहेको अजिरकोट गाउँपालिका भ्रष्टाचार र सुशासनलगायतका विषयहरुमा विशेष सजग हुँदै आएको छ ।
