काठमाडौं । नेपालका एक अग्रणी उद्योगपति केदारबहादुर अमात्यको निधन भएको छ । ललितपुर उद्योग बाणिज्य संघ र नेपाल तयारी पोशाक उद्योग संघका पूर्वअध्यक्ष समेत रहनुभएका अमात्य नेपाल उद्योग वाण्ज्यि महासंघका पूर्व कार्यसमिति सदस्य पनि हुन् ।
ललितपुर उद्योग वाणिज्य संघमा उनी ७औं अध्यक्षको रुपमा वि.सं. २०४४–२०४९ सम्म रहेका थिए ।
८७ बर्षका अमात्य ललितपुरको मेडिसिटी अस्पतालमा निधन भएको हो ।
उहाँको निधनको खबरले पुरै उद्योग वाणिज्य क्षेत्र स्तब्ध भएको छ ।
‘उद्योगपति अमात्यको निधनको खबरले नेपालको उद्योग वाणिज्य क्षेत्रमा ठूलो अपुरणीय क्षति भएको छ ।’ ललितपुरका युवा उद्योगी मनिषलाल प्रधानले भने– ‘उद्योग वाणिज्य क्षेत्रको स्थायित्व र विकासमा उहाँले पु¥याउनु भएको योगदान हामी कहिल्यै विर्सने छैनौं ।’
उद्योगी प्रधानले यस दुखद् घडीमा शोकसन्तप्त परिवारजनमा परेको बज्रपातमा भगवानले सहने शक्ति प्रदान गरुन् भन्दै हार्दिक समवेदना व्यक्त गरे । साथै स्वर्गीय अमात्यको आत्माको चिरशान्तिको कामना गर्दै हार्दिक श्रद्धाञ्जली अर्पण गरेका छन् ।
त्यसैगरी ललितपुर उद्योग वाणिज्य संघका पूर्वअध्यक्ष अजरमान जोशीलगायतले सामाजिक सञ्जाल फेसबुक मार्फत ‘अग्रणी उद्योगपति अमात्यको निधनले मर्माहत भएको भन्दै यस दुखद् घडीमा शोकसन्तप्त परिवारजनमा गहिरो समवेदना’ व्यक्त गरेका छन् ।
