काठमाडौं । गत आर्थिक वर्ष २०८१/२०८२मा नेपालमा १७ खर्ब २३ अर्ब ९३ करोड रेमिट्यान्स भित्रिएको छ । केन्द्रीय बैंकले सार्वजनिक गरेको तथ्यांकअनुसार विप्रेषण आप्रवाह १९.२ प्रतिशतले वृद्धि भएको हो ।
अघिल्लो वर्ष विप्रेषण आप्रवाह १६.५ प्रतिशतले बढेको थियो। २०८२ असार महिनाको विप्रेषण आप्रवाह १ खर्ब ८९ अर्ब ११ करोड रहेको छ ।
अघिल्लो वर्षको सोही महिनामा यस्तो आप्रवाह रु.१ खर्ब १७ अर्ब ७८ करोड रहेको थियो।
समीक्षा वर्षमा अमेरिकी डलरमा विप्रेषण आप्रवाह १६.३ प्रतिशतले वृद्धि भई १२ अर्ब ६४ करोड पुगेको छ । अघिल्लो वर्ष यस्तो आप्रवाह १४.५ प्रतिशतले बढेको थियो।
समीक्षा वर्षमा खुद द्वितीय आय (खुद ट्रान्सफर) रु.१८७४ अर्ब ३० करोड पुगेको छ । अघिल्लो वर्ष यस्तो आय रु.१५खर्ब ७१ अर्ब २४ करोड रहेको थियो।
केन्द्रीय बैंकका अनुसार वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ) लिने नेपालीको सङ्ख्या ५,०५,९५७ र पुनः श्रम स्वीकृति लिनेको सङ्ख्या ३,३३,३०९ रहेको छ । अघिल्लो वर्ष यस्तो सङ्ख्या क्रमशः ४,६०,१०२ र २,८१,१९५ रहेको थियो ।
