काठमाडौं : लगातार परेको अविरल वर्षाका कारण देशभरका विभिन्न स्थानमा बाढी र पहिरोले जनजीवन प्रभावित बनाएको छ। प्रहरीले दिएको जानकारी अनुसार हालसम्म मुलुकका ८ वटा मुख्य राजमार्ग पूर्णरूपमा अवरुद्ध भएका छन् भने केही सडकहरू एकतर्फी मात्र सञ्चालनमा रहेका छन्।

पूर्णरूपमा अवरुद्ध रहेका राजमार्गहरू:

• कोशी राजमार्ग — सङ्खुवासभाको भोटखोला गाउँपालिका

• नेपाल–चीन नाका जोड्ने पुल — रसुवाको गोसाइँकुण्ड गाउँपालिका

• पासाङ ल्हामु राजमार्ग — रसुवा

• अरनिको राजमार्ग — सिन्धुपाल्चोकको भोटेकोशी गाउँपालिका

• मध्यपहाडी राजमार्ग — नुवाकोटको शिवपुरी गाउँपालिका

• जाजरकोट–डोल्पा भेरी करिडोर — रुकुम पश्चिमको आठबिसकोट नगरपालिका

• कर्णाली करिडोर — हुम्लाको सिमकोट गाउँपालिका

• मध्यपहाडी राजमार्ग — जाजरकोटको छेडगाड नगरपालिका

एकतर्फी सञ्चालनमा रहेका सडकहरू:

• टोखा–नुवाकोट सडकखण्ड — काठमाडौं

• कालिगण्डकी करिडोर — बाग्लुङ नगरपालिकामा

• कालिगण्डकी करिडोर — नवलपरासी पूर्वको गैँडाकोट नगरपालिका

• बेनी–जोमसोम सडक — मुस्ताङको थासाङ गाउँपालिका

• सहिद राजमार्ग — रोल्पाको परिवर्तन गाउँपालिका

प्रहरी प्रधान कार्यालयले अत्यावश्यक कामबाहेक यात्रा नगर्न सर्वसाधारणलाई आग्रह गर्दै अवरुद्ध सडक खुलाउन सम्बन्धित निकायलाई सक्रिय बनाइएको जनाएको छ। निरन्तर वर्षा अझै जारी रहेकोले थप क्षति र जोखिम हुन सक्ने भन्दै सतर्कता अपनाउन अनुरोध गरिएको छ।