सुष्मा सापकोटा, गोरखा : गोरखाको अजिरकोट गाउँपालिका अन्तर्गत वडा नं. ३ मा रहेको भच्चेक आधारभूत अस्पताल र लमजुङ प्रदेश अस्पताल बेसीशहर, गण्डकी प्रदेशबीच बिशेषज्ञ स्वास्थ्य सेवाका लागि टेलिमेडिसिन सेवा सञ्चालनका लागि संझौता सम्पन्न भएको छ ।
५ वेडको भच्चेक अस्पतालमा टेलिमेडिसिन सेवा दिन उक्त संझौता सम्पन्न सम्पन्न भएको हो ।
उक्त संझौतामा प्रदेश अस्पताल बेसीशहर, लमजुङका सुपरिटेन्डेन्ड डा. शिशिर देवकोटा र भच्चेक आधारभुत अस्पतालका स्वास्थ्य शाखा प्रमुख सुरेश दवाडीले हस्ताक्षर गरेका थिए ।
प्रदेश अस्पताल बेसीशहर लमजुङका अध्यक्ष हरिजंग तामाङ र अजिरकोट गाउँपालिकाका अध्यक्ष दीपक देवकोटाको रोहवरमा उक्त संझौता सम्पन्न भएको हो ।
एक बर्षको लागि संझौता भएको उक्त टेलिमेडिसिन सेवाले स्थानीहरुले थप स्वास्थ्य सेवाको लाभ लिन सक्नेछन् । स्थानीय भच्चेक अस्पतालबाट पनि विशेषज्ञ सेवा लिन सकिने भएपछि अजिरकोट लगायत आसपासका सर्वसाधारण उत्साहित भएका छन् ।
स्मरणीय त के छ भने भच्चेक अस्पताल उक्त प्रदेशको उत्कृष्ट अस्पताल मध्येको एकमा पर्छ । अस्पतालले यसअघि उत्कृष्टत अस्पतालबाट सम्मानित समेत भइसकेको छ ।
