जुम्लामा आइसक्रिम उद्योग खुलेको यो पहिलो पटक हो। आइसक्रिम उद्योग सञ्चालनमा आएपछि भने सबैले चासो राखेका छन्। कारण हो जुम्लामा आइसक्रिम उद्योग सञ्चालन हुनु। हिमाली जिल्लामा आइसक्रिम खपत हुनुलाई यहाँको वातावरणीय कुरासँग जोडेर हेरिएको छ। अहिले गर्मी समयमा जुम्लाको वातावरण तात्दै गएको स्थानीय बताउँछन्। पछिल्लो समय हिउँ पर्ने क्रम कम हुँदै गएपछि जुम्लामा चिसो पनि कम हुँदै गएको उनीहरूको भनाइ छ।
जुम्ला तिला गाउँपालिका १ का चार दाजुभाइले आइसक्रिम उद्योग सञ्चालनमा ल्याएका छन् । चार दाजुभाइ धनबहादुर, मोहनराज,नन्दु र विरेन्द्र रावतले उद्योग सुरु गरेका हुन् ।
