काठमाडौं । काठमाडौँको कमलादीस्थित वोन्डर्स नेपाल प्रालिले आफ्नो सातौ वार्षिक साधारणसभा सम्पन्न गरेको छ ।
कम्पनीको सञ्चालक समितिका अध्यक्ष प्रबेन्द्र पोखरेलको अध्यक्षतामा स्काईवाक नेपाल कमलादी परिसरमा आज ९शुक्रबार० साधारणसभा सम्पन्न भएको हो ।
साधारणसभामा आर्थिक वर्ष २०८०।८१ को वित्तीय विवरण पारित गरिएको छ । साथै, अतिरिक्त कम्पनीको व्यवसायिक योजना, कम्पनीलाई पब्लिक लिमिटेडमा परिवर्तन गरी आइपिओ जारी गर्ने प्रक्रियामा जाने प्रस्ताव सर्बसम्मतिले पारित गरिएको छ ।
साथै, कम्पनीले सञ्चालक समितिको पुर्नरगठनसमेत गरेको छ । अध्यक्षमा तेजबहादुर सिंह र प्रबन्ध निर्देशकमा बिष्णुहरि पाण्डेलाई मनोनयन गरिएको छ ।
साधरणसभामा कम्पनीका प्रबन्ध सञ्चालक पदमप्रसाद न्यौपानेले स्वागत मन्तव्य राखेका थिए ।
कम्पनीका नवनियुक्त प्रबन्ध सञ्चालक पाण्डे शैक्षिक संस्था, बैंकिङ क्षेत्र लगाएतका संस्थाहरूमा अनुभव बटुलिसकेका छन् ।
स्काईवाक टावरमा ३६० डिग्री भ्यू देखिने गरी रेस्टुरेन्ट र क्लब निर्माण भइसकेको छ । चाँडै नै सिटी बन्जी जम्पको तयारी पनि गरिएको कम्पनीले जनाएको छ ।
