काठमाडौं । जनकवि दुर्गालाल श्रेष्ठको निधन भएको छ । उनी ९३ वर्षका थिए र पछिल्लो समयदेखि विरामी थिए ।
पछिल्लो छ दशकदेखि लगातार साहित्य सिर्जनामा लागेका श्रेष्ठले नेपाल भाषासहित नेपालीमा कविता र गीतका साथै अन्य विधामा पनि कलम चलाएका थिए । उनको योगदानलाई मध्यनजर गर्दै नेपाल भाषा परिषदले दुई दशकअघि नै उनलाई जनकविको उपाधिबाट सम्मानित गरेको थियो ।
गायिका आनी छोइङ डोल्माको चर्चित गीत "फुलको आँखामा फुलै संसार" श्रेष्ठले लेखेका थिए ।
उनको पार्थिव शरीर बिहान ६ बजे उनका निजि स्थान ( बूढानीलकण्ठ ) बाट पशुपति आर्यघाट लगिने भएको छ । जनकवि श्रेष्ठलाई राष्ट्रिय राजकीय सम्मानसाथ अन्तिम विदाई गरिनेछ ।
