आजको पञ्चाङ्ग

वि.सं.२०८३ साल जेठ १६ गते । शनिबार । इस्वी सन् २०२६ मे ३० तारिख । नेपाल संवत् ११४६ । रौद्र संवत्सर । उत्तरायण । ग्रीष्म ऋतु । श्रीशाके १९४८ । अधिक जेठ शुक्लपक्ष । तिथि–चतुर्दशी, १५ घडी ५८ पला, बिहान ११ बजेर ३४ मिनेट उप्रान्त पूर्णिमा । नक्षत्र–विशाखा, २० घडी ३१ पला, दिउँसो १ बजेर २३ मिनेट उप्रान्त अनुराधा । योग–परिध, ० घडी १ पला, बिहान ५ बजेर १२ मिनेट शिव । करण–वणिज, बिहान ११ बजेर ३४ मिनेट उप्रान्त भद्रा, रातको १२ बजेर २७ मिनेट उप्रान्त बव । आनन्दादिमा–शुभ योग । चन्द्रराशि–तुला, बिहान ६ बजेर ४९ मिनेट उप्रान्त वृश्चिक ।

काठमाडौँमा सूर्योदय बिहान ५ बजेर ११ मिनेट । सूर्यास्त बेलुकी ६ बजेर ५२ मिनेट । दिनमान ३४ घडी १४ पला ।

• बिहान ५ बजेर ११ मिनेटसम्म काल बेला ।
• बिहान ५ बजेर १२ मिनेटदेखि बिहान ६ बजेर ५४ मिनेटसम्म शुभ बेला ।
• बिहान ६ बजेर ५५ मिनेटदेखि बिहान ८ बजेर ३६ मिनेटसम्म रोग बेला ।
• बिहान ८ बजेर ३७ मिनेटदेखि बिहान १० बजेर १९ मिनेटसम्म उद्वेग बेला ।
• बिहान १० बजेर २० मिनेटदेखि बिहान १२ बजेर २ मिनेटसम्म चर बेला ।
• दिउँसो १२ बजेर ३ मिनेटदेखि दिउँसो १ बजेर ४४ मिनेटसम्म लाभ बेला ।
• दिउँसो १ बजेर ४५ मिनेटदेखि दिउँसो ३ बजेर २७ मिनेटसम्म अमृत बेला ।
• दिउँसो ३ बजेर २८ मिनेटदेखि बेलुकी ५ बजेर १० मिनेटसम्म काल बेला ।
• बेलुकी ५ बजेर ११ मिनेटदेखि बेलुकी ८ बजेर १० मिनेटसम्म लाभ बेला ।

नोट : शुभकार्य तथा यात्रा गर्दै हुनुहुन्छ भने लाभबेला र अमृत बेलाको समय पारेर गर्नुहोला  ।

ब्रहा मुहूर्त

बिहान ३ बजेर ३५ मिनेटदेखि बिहान ४ बजेर २३ मिनेटसम्म ब्रहा मुहूर्त रहनेछ ।

आजको राशिफल

• मेष (चू,चे,चो,ला,लि,लू,ले,लो,अ) सत्यता बुझेर अगाडी बढ्नुको सट्टा हल्लाको पछि लाग्दा दुःख पाइनेछ । पुरानो रोगले सताउन सक्छ ध्यान दिनुहोला । अनावश्यक यात्रा तथा खर्च बढ्ने हुनाले मन चिन्तित रहनेछ । अरूकै कामका लागी समय खर्चनु पर्ने हुँदा आफ्नो काम थाती रहनेछ । सवारी साधनको प्रयोग गर्दा ध्यान दिनुहोला समय मध्यम रहेको छ । प्रेममा एक अर्कालाई अविश्वास गर्नाले टाढिनु पर्ने बाध्यता आउनेछ । तर पनि अध्ययनमा राम्रो अङ्क ल्याउन सकिनेछ ।
• वृष (ई,ऊ,ए,ओ,वा,वी,वू,वे,वो) आर्थिक पक्ष बलियो रहने हुनाले जीवनशैली बिलासी रहनेछ ।  नयाँ काम गरी आम्दानी बढाउन सकिनेछ भने भौतिक सम्पत्ति तथा स्थायी सम्पत्ति जोड्न सकिनेछ । माया प्रेममा नजिक हुने तथा आफन्त तथा प्रियजन भेटिने हुँदा मन प्रसन्न रहनेछ । रमाइलो यात्राको तय गर्न सकिनेछ । परिवारसँगै बसेर स्वादिष्ट भोजन ग्रहण गर्ने अवसर जुर्ने हुनाले मन खुसी रहनेछ । अध्ययनमा मन जाने हुनाले नतिजा आफैतिर ल्याउन सकिनेछ ।
• मिथुन (का,की,कू,घ,ङ,छ,के,को,हा) व्यवसायमा लगानी बढाउँदा मनग्गे लाभ हुनेछ । प्रतिष्ठित व्यक्तिसँग प्रतिस्पर्धा गर्नु परे पनि अन्ततः तपाईँकै पक्षमा नतिजा आउँदा मन खुसी हुनेछ । रमाइलो यात्रा हुनेछ भने आफन्त तथा शुभचिन्तकसँगको भेटले उत्साह जगाउनेछ । प्रणय सम्बन्धमा विश्वास बढेर जानेछ । अध्ययनमा मन जानेछ भने नतिजा आफैतिर ल्याउन सकिनेछ । यात्रा तथा मनोरञ्जनमा समय व्यातित हुनेछ ।
• कर्कट (ही,हू,हे,हो,डा,डी,डु,डे,डो) अध्ययनमा मन जानेछ । आफूले मन पराएको मानिसबाट उपहार तथा बिलासी बस्तु प्राप्त हुनेछ । व्यापारमा प्रशस्त आम्दानी हुनेछ । सन्तानको प्रगतिमा मन रमाउने तथा वंश वृद्धिको योगलाई नकार्न सकिँदैन । अध्ययन वा कामको सवालमा लामो दुरीको यात्राको योग रहेको छ । खानपान, मनोरञ्जन तथा यात्राको अधिकांश समय व्यातित हुनेछ ।
• सिंह(मा,मी,मू,मे,मो,टा,टी,टू,टे) अध्ययनमा सहजै सफलता हात पार्न सकिनेछ । आमा तथा आफन्तबाट आउने सल्लाह तथा सुझावलाई मानेर अगाडी बढ्नुहोला । कृषि तथा पशुपालन व्यवसायबाट राम्रो आम्दानी हुनेछ । सामाजिक काममा समय दिनु पर्नेछ भने तपाईँको काम देखि सबै खुसी हुनेछन् । र, पनि राजनीति तथा समाजसेवामा समय लगानी गर्नेहरूले सर्वसाधारणसँग सन्तुलित व्यवहार गर्नुहोला काम बिग्रने हुँदा मान सम्मानमा कमी हुनेछ ।
• कन्या (टो,पा,पी,पू,ष,ण,ठ,पे,पो) समाजमा गुमेको साख फिर्ता हुनुको साथै आफ्नो वर्चस्व बढाउन सकिनेछ । समयको भरपुर सदुपयोग गरी भाग्य वृद्धि गर्न सकिने साथै दिगो फाइदा हुने काम आरम्भ गर्न सकिनेछ । नियमित काममा दाजुभाइ तथा आफन्तको सहयोग हुने हुँदा मन प्रसन्न हुनेछ ।  उद्योग तथा व्यापारमा लगानी बढाई भनेजस्तो रुपैयाँ पैसा कमाउन सकिनेछ । छोटो, रमाइलो तथा उपलब्धिमूलक यात्रा हुने अधिक सम्भावना रहेको छ ।
• तुला (रा,री,रु,रे,रो,ता,ती,तू,ते) प्रेमको डोरो कसिलो भएर जानेछ । कामहरू समयमा नै सम्पन्न हुने हुनाले थप काम गर्न जोस जाँगर बढेर आउनेछ । व्यापार व्यवसाय फस्टाएर जानेछ भने आम्दानीका बाटाहरू फराकिला हुनेछन् । अध्ययन तथा अनुसन्धानको क्षेत्रमा राम्रो प्रगति गर्न सकिनेछ भने तपाईँको बौद्धिकताको सबैले सम्मान गर्नेछन् । गीत सङ्गीत तथा कला साहित्यमा समय दिनेहरूले मनग्गे लाभ लिन सक्नेछन् ।
• वृश्चिक (तो,ना,नी,नू,ने,नो,या,यी,यू) राजनीतिकर्मीहरूका लागी जनताको काम समयमा गर्न सकिने हुनाले पद प्राप्तिको गतिलो योग रहेको छ । विद्यार्थी वर्गहरूका लागी मेहनत गरी अध्ययन गर्दा उत्कृष्ट नतिजा हात पार्ने योग रहेको छ । सुन्दर तथा विलासिताका सर सामान प्रयोग गरी अरूको ध्यान आफूतिर आकर्षित गर्न सकिनेछ । लामो समयदेखि बिछोड भएका मित्रहरूसँग भेट हुनाले दिन रमाइलो गरी बिताउन सकिनेछ ।
• धनु (ये,यो,भा,भी,भू,ध,फा,ढा,भे)  कर्म क्षेत्रमा आउने विवादले आत्मसम्मानमा कमीको महसुस हुनेछ । आकस्मिक खर्च बढ्ने तथा आर्थिक सङ्कटको सामना गर्नुपर्नेछ । स्वास्थ्य सम्बन्धी सामान्य समस्या आउने भए पनि दैनिक काम गर्न गाह्रो हुने छैन । तर पनि लामो दुरीको विदेश यात्राको तय हुनेछ भने विदेशी सामानको व्यापार व्यवसाय बढेर जानेछ । अध्ययनमा मन जानेछ भने नतिजा तपाईँ आफैतिर ल्याउन सकिनेछ ।
• मकर (भो,जा,जी,जू,जे,जो,ख,खी,खू,खे,खो,गा,गी) मन परेको मानिसबाट चिट्ठा तथा उपहार पाइने हुँदा मन प्रफुल्लित हुनेछ । आफन्त तथा अग्रजबाट काममा सहयोग तथा उचित सल्लाह पाइनेछ । तरल पदार्थ तथा खनिज पदार्थको व्यवसाय फस्टाएर जानेछ भने आर्थिक अवस्था सुदृढ हुनेछ । पढाइ लेखाइमा भनेजस्तो सफलता प्राप्त हुनेछ । प्रणय सम्बन्धलाई विवाहमा परिणत गर्नको लागी आफन्तबाट आवश्यक कामहरू हुनेछन् ।
• कुम्भ (गू,गे,गो,सा,सी,सू,से,सो,दा) चुनौतीहरूलाई किनारा लगाउँदै कामहरू बनाउन सकिनेछ भने राम्रा काम गर्दा समाजमा स्थापित हुन सकिनेछ । दैनिक उपभोग्य सामानको व्यापारमा उल्लेख्य वृद्धि हुनेछ । अध्ययनमा समय दिई आफ्नो विद्यालाई निखार्ने सकिनेछ । प्रेम तथा मित्रताको बन्धन कसिलो हुनेछ भने घर परिवारमा तपाईँको कामदेखि सबै प्रसन्न हुनेछन् । सेवा प्रवाह गर्नेहरूले तपाईँको काम समयमा गरिदिने हुनाले समय र रुपैयाँ पैसाको बचत हुनेछ ।
• मीन (दी,दू,थ,झ,ञ,दे,दो,चा,ची) समस्याहरूको सजिलै समाधान गरी उपलब्धिमूलक कामहरू गर्न सकिनेछ । अध्ययन अनुसन्धानमा सोचेभन्दा राम्रो प्रगति हुन तथा नयाँ कुरा पत्ता लगाउन सकिनेछ । व्यापार व्यवसाय फस्टाएर जानेछ भने लगानीबाट भनेजस्तो प्रतिफल प्राप्त हुनेछ । माया प्रेममा सामान्य मनमुटाब सिर्जना भए पनि अन्ततः एका अर्कालाई विश्वास गर्दै छुटिदा मन प्रसन्न हुनेछ । धार्मिक क्षेत्र तथा मन्दिरतिरको यात्राको तय गर्न सकिनेछ ।

तपाईँको दिन शुभ रहोस् ।