काठमाडौँ । केन्द्रीय अनुसन्धान ब्युरो (सिआइबी) ले दुग्ध विकास संस्थान (डिडिसी) को लैनचौरस्थित केन्द्रीय कार्यालयमा छापा मारेको छ ।
बुधबार बिहानैदेखि सिआइबीको टोली डिडिसी कार्यालय पुगेको प्रहरी उच्च स्रोतले जनाएको छ । नेपाल प्रहरीका अनुसार डिडिसीसँग सम्बन्धित केही सूचनाका आधारमा अनुसन्धानका लागि टोली परिचालन गरिएको हो ।
यद्यपि, अनुसन्धानको विषयबारे विस्तृत विवरण भने सार्वजनिक गरिएको छैन । सिआइबीले कार्यालयबाट केही महत्वपूर्ण कागजात नियन्त्रणमा लिएको डिडिसी स्रोतले जनाएको छ ।
केही समयअघि मात्रै प्रधानमन्त्री बालेन्द्र शाहले डिडिसीको याक चिज प्रवर्द्धन गर्न सामाजिक सञ्जालमार्फत तस्बिर सार्वजनिक गरेका थिए । त्यसपछि डिडिसी फेरि चर्चामा आएको बेला सिआइबीको छापा परेको हो ।
