काठमाडौं : काठमाडौं क्षेत्र नम्बर–८ को मतगणनामा राष्ट्रिय स्वतन्त्र पार्टी (रास्वपा) का उम्मेदवार विराजभक्त श्रेष्ठले फराकिलो अग्रता कायम गरेका छन्।
बिहान ५ बजेसम्मको अद्यावधिक मतपरिणाम अनुसार हालसम्म गणना भएको ९ हजार २ सय १२ मतमध्ये श्रेष्ठले ६ हजार १ सय २७ मत प्राप्त गरेका छन्।
उनका निकटतम प्रतिस्पर्धी नेपाली कांग्रेसकी उम्मेदवार सपना राजभण्डारीले ७ सय ३६ मत प्राप्त गरेकी छन्। श्रेष्ठ र राजभण्डारीबीचको मतान्तर ५ हजारभन्दा बढी रहेको छ।
त्यसैगरी सुमन सायमी ५ सय ६५ मतसहित तेस्रो स्थानमा रहेका छन् भने नेकपा एमालेका उम्मेदवार राजेश शाक्य ४ सय ३३ मतसहित चौथो स्थानमा रहेका छन्।
काठमाडौं–८ मा मतगणना जारी रहेको छ।
