काठमाडौँ । प्रधानमन्त्री सुशीला कार्कीको उपस्थितिमा बालुवाटारमा आगामी निर्वाचनको तयारी, सुरक्षा व्यवस्था र निर्वाचन वातावरणबारे विस्तृत छलफल भई रहेको छ । बैठकमा सरकारका तर्फबाट अर्थमन्त्री रामेश्वर खनाल, गृहमन्त्री ओमप्रकाश अर्याल, कानुनमन्त्री अनिलकुमार सिन्हा र सञ्चारमन्त्री जगदीश खरेल सहभागी हुनुहुन्छ । निर्वाचन आयोगबाट कार्यवाहक प्रमुख आयुक्त रामप्रसाद भण्डारी, आयुक्तद्वय जानकीकुमारी तुलाधर र सगुनशमशेर राणा, सचिव महादेव पन्थ तथा सहसचिवहरू नारायण प्रसाद भट्टराई, यज्ञप्रसाद भट्टराई र राजेन्द्रकुमार केसी उपस्थित हुनुहुन्छ।

राजनीतिक दलहरूको तर्फबाट सहभागी  :

नेपाली कांग्रेस : गगन थापा र पुष्पा भुसाल
नेकपा (एमाले) : शंकर पोखरेल र महेश बर्तौला
नेकपा (एकीकृत समाजवादी) : शक्ति बस्नेत र प्रकाश ज्वाला
राष्ट्रिय स्वतन्त्र पार्टी : शिशिर खनाल र सोबिता गौतम
राष्ट्रिय प्रजातन्त्र पार्टी : राजेन्द्र गुरुङ र भुवन पाठक
जनता समाजवादी पार्टी नेपाल : प्रकाश अधिकारी
जनमत पार्टी : नरेन्द्र चौधरी

त्यस्तै नेपाली सेना, नेपाल प्रहरी, सशस्त्र प्रहरी बल र राष्ट्रिय अनुसन्धान विभागका चारवटै सुरक्षा निकायका प्रमुखहरू पनि बैठकमा उपस्थित छन् । बैठकमा निर्वाचनलाई स्वतन्त्र, निष्पक्ष र भयरहित बनाउन आवश्यक सुरक्षा रणनीति, बजेट व्यवस्थापन, आचारसंहिता पालना र समन्वयका विषयमा गम्भीर छलफल भएको जनाइएको छ।