काठमाडौँ – फिफा विश्वकप २०२६ को लागि विश्वभरका फुटबल प्रेमीहरू उत्साहित छन्। यो विश्वकपमा पहिलो पटक ४८ राष्ट्रिय टिमहरू सहभागी हुदै छन् , जसले फुटबलको यो उत्सवलाई थप रोमाञ्चक बनाउने अपेक्षा गरिएको छ। यो टुर्नामेन्ट संयुक्त राज्य अमेरिका, क्यानडा र मेक्सिकोमा जुन ११ देखि जुलाई १९ सम्म आयोजना हुदैछ । कुल १६ वटा स्टेडियमहरूमा खेलहरू हुनेछन्, जसमा मेक्सिको सिटीमा उद्घाटन खेल र फाइनल खेल न्यु जर्सीमा हुदै छ। विस्तारित ढाँचाले थप देशहरूलाई अवसर दिन्छ, जसमा १२ समूहहरूमा ३२ खेलहरू हुनेछन् र शीर्ष दुई टिमहरू नकआउट चरणमा प्रवेश गर्नेछन्। ग्रुपको ड्र डिसेम्बर ५, २०२५ मा वाशिङ्टन डीसी मा गरिनेछ। हालसम्म ४२ टिमहरूले स्थान पक्का गरेका छन्, बाँकी ६ स्थान मार्च २०२६ मा इन्टरकन्टिनेन्टल प्लेअफहरूबाट निर्धारण हुनेछन्।

यो विश्वकपले अफ्रिका, एसियालगायतका महादेशहरूलाई थप कोटा दिएको छ। होस्ट राष्ट्रहरू क्यानडा, मेक्सिको र अमेरिकाले स्वतः स्थान पाएका छन्। 

महादेशअनुसार :

उत्तर/मध्य अमेरिका  : संयुक्त राज्य अमेरिका (होस्ट), मेक्सिको (होस्ट), क्यानडा (होस्ट), कोस्टा रिका, पानामा, कुरासाओ 

युरोपबाट जम्मा १६ देश छनोट हुनेमा : इङ्ल्यान्ड, फ्रान्स, स्पेन, जर्मनी, बेल्जियम, नेदरल्यान्ड्स, पोर्चुगल, क्रोएशिया, स्कटल्यान्ड, स्विट्जरल्यान्ड, पोल्यान्ड, नर्वे (मार्च मा हुने खेलमा बाकी ४ टोलिको चयन हुन्छ ; इटाली, डेनमार्क, वेल्स , स्वीडेन जस्ता बलिया राष्ट्रहरुले अझै विश्वकपमा स्थान बनाउन सकेका छैनन् )        

दक्षिण अमेरिका : अर्जेन्टिना, ब्राजिल, कोलम्बिया, उरुग्वे, पराग्वे, चिली 

एसिया  : जापान, दक्षिण कोरिया, इरान, अष्ट्रेलिया, साउदी अरेबिया, उज्बेकिस्तान, जर्डन, इराक 

अफ्रिका  : मोरक्को, सेनेगल, नाइजेरिया, अल्जेरिया, इजिप्ट, घाना, ट्युनिसिया, कमरुन, केप भर्डे 

ओसेनिया  : न्युजिल्यान्ड 

यी टिमहरूले क्वालीफायरहरूमा कडा संघर्ष गरेका थिए। उदाहरणका लागि, कुरासाओले जामाइकासँग ०–० को बराबरीमा इतिहास रच्दै पहिलो पटक विश्वकपमा स्थान पक्का गरेको छ। उज्बेकिस्तान र जर्डन जस्ता नयाँ टिमहरूले आफ्नो डेब्युटलाई अविस्मरणीय बनाउने लक्ष्य राखेका छन्। केप भर्डेले पनि पहिलो पटक क्वालिफाइ भएको हो। पक्कै पनि यो विश्वकपले फुटबलको विविधतालाई झल्काउँदै नयाँ इतिहास लेख्नेछ।