सुर्खेत । ‘जेनजी २.० कर्णाली’ले प्रादेशिक तथा जिल्लागत संरचना औपचारिक रूपमा घोषणा गरेको छ। मंगलबार र बुधबार वीरेन्द्रनगरमा भएको बृहत् छलफलपछि ‘न्याय, सुशासन र समृद्धिको लागि’ भन्ने मूल नारासहित प्रादेशिक समिति र कर्णाली प्रदेशका विभिन्न जिल्लाका समितिहरू सार्वजनिक गरिएको हो।

प्रादेशिक नेतृत्व चयन

‘जेनजी २.० कर्णाली’को प्रादेशिक संयोजकमा हिकमत जंग मल्ल चयन भएका छन्।
त्यसैगरी, संरक्षक डम्बर शाहू, सह–संयोजक मोहन थापा (काजी) र प्रवक्ता लक्ष्मी रोकाया रहनुभएको छ।

विभागीय नेतृत्व

संगठनले विभिन्न विभागसमेत गठन गरेको छः

• कृषि विभाग – मोहन बहादुर शाही

• आर्थिक तथा योजना – सूर्य विक्रम लामिछाने

• खेलकुद विभाग – नविन बुढा

• स्वास्थ्य विभाग – उपेन्द्र शाही

• आईटी विभाग – मिलन शर्मा

प्रदेश समितिमा १३ सदस्यीय सचिवालय र ११ जना सदस्य रहेको संगठनले जनाएको छ।

जिल्लागत समिति घोषणा

सुर्खेत

• संरक्षक: कसम जंग मल्ल

• संयोजक: सुवास शाही

• सह–संयोजक: समिर शाही

• प्रवक्ता: विपना विश्वकर्मा

कालिकोट

• संयोजक: महेन्द्र भारती

• सह–संयोजक: सुनिल शाही

• प्रवक्ता: सर्मिला शाही

जाजरकोट

• संयोजक: युवराज शर्मा

• सह–संयोजक: कैलाश शाह

• प्रवक्ता: मिन कृष्ण विक्रम शाह

दैलेख

• संयोजक: भुपेन्द्र खनाल

• सह–संयोजक: कमल बोहरा

• प्रवक्ता: नवराज वली

जुम्ला

• संयोजक: श्री कृष्ण भण्डारी

• सह–संयोजक: शक्ति सिंह रोकाया

• प्रवक्ता: भुपेन्द्र भण्डारी

सल्यान

• संयोजक: दिपक बस्नेत

• सह–संयोजक: अनुराधा रिउते

• प्रवक्ता: सावित्री वली

अन्य केही जिल्लामा संयोजक मात्र तोकिएको छः

• हुम्ला – राजन शाही

• मुगु – निरज शाही

• डोल्पा – मोती बुढा

• रुकुम पश्चिम – उमेश लामिछाने

संगठनका उद्देश्य र नीति

‘जेनजी २.०’ले आफ्नो प्रमुख एजेन्डामा निम्न विषयहरू समेटेको छः

• जनआन्दोलन २०८२ को संरक्षण र संस्थागत विकास

• सहिद परिवार र घाइते योद्धाबीच एकता

• सुशासन, पारदर्शिता र जबाफदेहिता सुनिश्चित गर्ने सरकार स्थापना

• राष्ट्रिय सभामा नयाँ पुस्ताको सहभागिता

• भ्रष्टाचार नियन्त्रण आयोग गठन तथा निर्वाचन आयोग पुनर्गठन

• सर्वदलीय सहमतिमा संविधान संशोधन

• भयरहित तथा निष्पक्ष चुनावको वातावरण निर्माण

त्यसैगरी, प्रत्यक्ष निर्वाचित कार्यकारी राष्ट्रप्रमुख, राजतन्त्र वा गणतन्त्र, प्रदेश संरचना, धर्मनिरपेक्षता, धार्मिक स्वतन्त्रता र स्थानीय तहमा दलयुक्त वा निर्दलीय प्रणाली जस्ता मुद्दामा जनमत संग्रह आवश्यक रहेको संगठनको धारणा छ।

राष्ट्रिय संवादको आह्वान

संगठनले देशमा देखिएको राजनीतिक अन्योलताप्रति चिन्ता व्यक्त गर्दै सबै दल, समूह र अभियानलाई राष्ट्रिय संवादमा सहभागी हुन आग्रह गरेको छ। बयानमा जेनजी आन्दोलनलाई “नेपाली विशेषताको क्रान्ति” का रूपमा व्याख्या गर्दै पुनः सहमति, संवाद र समाधानतर्फ अघि बढ्न सबैलाई आह्वान गरिएको छ।