काठमाडौँ । प्रधानमन्त्री केपी शर्मा ओलीले भारत र पाकिस्तानले दुवै पक्षलाई शान्त र संयम अपनाउन आह्वान गरेपछि र शान्तिको लागि प्रार्थना गरेपछि द्वन्द्व रोकिएको बताएका छन्।
सोमबार २५६९ औं बुद्ध जयन्तीको अवसरमा लुम्बिनीमा आयोजित कार्यक्रमलाई सम्बोधन गर्दै उनले यस्तो बताएका हुन्।
केही दिनअघि मात्र भारत र पाकिस्तानबीच युद्धको अवस्था सिर्जना भए पनि प्रधानमन्त्रीले यो पूर्ण स्तरको युद्धमा परिणत नभएको बताए।
भारत र पाकिस्तान युद्धविराम सम्झौतामा पुगेको भन्दै प्रधानमन्त्री ओलीले संयम अपनाएकोमा दुवै देशलाई धन्यवाद दिए।
“भारत र पाकिस्तानले दिनभरि हमला गरे पनि युद्धमा परिणत भएन। म दुवै देशलाई संयम अपनाएकोमा धन्यवाद दिन चाहन्छु। हामीले प्रार्थना गरेका थियौं कि यो परिस्थिति युद्धमा परिणत नहोस्,” प्रधानमन्त्री ओलीले भने।
