काठमाडौँ : रवि लामिछानेलाई भैरहवा लगिएको छ । उच्च अदालत तुलसीपुर बुटवल इजलासको आदेशपछि काठमाडौँमा पक्राउ परेका रास्वपा सभापति रवि लामिछानेलाई भैरहवा लागिएको हो ।
शुक्रबार राति घरबाटै पक्राउ परेका लामिछानेलाई प्रहरीले यती एयरलाइन्सको विमानमार्फत भैरहवा लगेको हो । उनलाई हिजो राति जिल्ला प्रहरी परिसर, काठमाडौँकै हिरासतमा राखिएको थियो ।
सहकारी ठगीको मुद्दा खेपिरहेका लामिछानेलाई तुलसीपुर उच्च अदालतको बुटवल इजलासले शुक्रबार थुनामा पठाउन आदेश दिएको थियो ।
बुटवलको सुप्रिम सहकारी प्रकरणमा जिल्ला अदालत रुपन्देहीले उनलाई एक करोड धरौटीमा बाहिरै बसेर मुद्दा लड्ने आदेश दिएको थियो । उक्त आदेश उल्ट्याउँदै उच्चले थुनामा पठाउने आदेश गरेको हो ।
शनिबार र आइतबार सार्वजनिक बिदा परेकाले लामिछानेलाई सोमबार मात्रै अदालतमा पेस गरिने रुपन्देहीका प्रहरी उपरीक्षक (एसपी) रञ्जितसिंह राठौरले जानकारी दिए।
