काठमाडौं । दुबईमा जारी आइसीसी च्याम्पियन्स ट्रफीको समूह ए चरणको अन्तिम खेलमा न्युजिल्यान्डलाई भारतले ४४ रनले पराजित गरेको छ ।
यो पुरानो जमानाको एकदिवसीय खेल थियो जसमा पहिलो इनिङ्समा नयाँ बल सिम र स्विङ भयो र त्यसपछि क्रमशः सुस्त हुँदै गयो । टस हारेर पहिले ब्याटिंग गर्न आएको भारतले आफ्नो ९ विकेट गुमाई २४९ रन बनायो । रोहित शर्मा, विराट कोहली र गिललाई भारतले सुरुवाती १० ओभर भित्रै गुमायो । त्यसपछि श्रेयस अय्यर र अक्षर पटेलले भारतका इनिङ्स समाले । श्रेयस अय्यरले आफ्नो सबैभन्दा ढिलो अर्धशतक बनाए ।
जवाबमा न्युजिल्यान्डले केवल २०५ रनमात्र बनाउन सफल भयो। भारतले पहिले नै खेलिरहेका तीन स्पिनरहरूमा वरुण चक्रवर्तीलाई थपेका थिए र उनले पाँच विकेट लिएर खेललाई परिवर्तन गरिदिए । भारतका स्पिनरहरूको आक्रमणको लहरलाई केही समय विलियम्सनले रोकेको थिए । विलियम्सनले १२० बल खेल्दै ८१ रन बनाए । न्युजिल्यान्डले २५ औं ओभरमा २ विकेटको क्षतिमा ९३ रन बनाएको देखेपनि भारतले मध्य ओभरलाई राम्रोसँग नियन्त्रणमा राखेको थियो । भारतका सबै बलरहरूले उत्कृष्ट अनुशासनका साथ बलिङ गरे र वरुणले ५ विकेट लिने क्रममा मात्र ४२ रन दिए ।
समूहको शीर्ष स्थानमा रहेको भारतले अब मंगलबार पहिलो सेमिफाइनलमा अष्ट्रेलियासँग खेल्नेछ । न्युजिल्यान्ड र दक्षिण अफ्रिका बुधबार सेमिफाइनल खेल्न पाकिस्तान फर्कनेछन् ।
