सुष्मा सापकोटा, काठमाडौं । चौथो अजिरकोट गाउँपालिका अन्तर माध्यामिक विद्यालयस्तरीय राष्ट्रिपति रनिङ्ग सिल्ड प्रतियोगिता सुरू भएको छ ।
उक्त प्रतियोगिताको अजिरकोट गाउँपालिकाका अध्यक्ष दिपक देवकोटाले पानसमा बत्ती बालि उद्घाटन गर्नुभयो । उद्घाटन कार्यक्रममा उहाँले खेलकुद क्षेत्रको विकासका लागि गाउँपालिका सँधै प्रतिबद्ध रहेको बताउनुभयो । स्वस्थ प्रतिस्पर्धामा खेल खेल्न सुझाब दिनुहुँदै प्रतियोगिताको सफलताको शुभकामना व्यक्त गर्नुभयो ।
कार्यक्रममा सो गाउँपालिकाका पुर्वअध्यक्ष फणिन्द्र प्रसाद धिनार, प्रमुख प्रशासकीय अधिकृत रचना बुढाथोकीलगायतले खेलकुदको पूर्ण सफलताको लागि शुभकामना व्यक्त गर्नुभयो ।
खेलको पहिलो दिन १५०० मिटर दौड, ४०० मिटर दौड, छेलो हान्ने, छात्र छात्राबीच भलिबल, छात्रातर्फको त्रिपल जम्प आदी खेलको प्रतियोगिता भएको थियो ।
१४ गतेसम्म चल्ने उक्त प्रतियोगितामा ९ वटा माध्यामिक विद्यालयको सहभागिता रहेको छ ।
