काठमाडौं । पूर्वी अफगानिस्तानको पलिजाकमा फोनको सिग्नल राम्रो नभए पनि त्यहाँका गाउँलेहरूले फोन चलाउने एउटा उपाय निकालेका छन् - तेल बेच्न प्रयोग गरिने प्लास्टिकको रित्तो भाँडोमा फोन राख्ने।
फोन गर्नुपरेको बेला आफूहरूले विगत तीन वर्षदेखि यो उपाय अपाउने गरेको उनीहरूले बताएका छन् ।
यो उपायले कसरी फोनको सिग्नल बढाउँछ भन्ने कुरामा वैज्ञानिकहरू स्पष्ट छैनन् । तर प्लास्टिकको भाँडोमा फोन राख्दा हातमा समाउँदा वा भवनभित्र हुँदाभन्दा सिग्नलमा कम अवरोध हुने उनीहरूको अनुमान छ। कन्टेनरमा फोन स्थिर हुने भएकाले मोबाइल नेटवर्कको सङ्केत बलियो हुन सक्ने पनि सम्भावना पनि छ ।
