काठमाडौँ । डिफ़ेण्डिङ्ग फ़िडिङ्ग ललितपुर सिटी एफसीले नेपाल सुपर लिग एनएसएलको उपाधि जितेको छ ।
त्रिपुरेश्वरस्थित दशरथ रंगशालामा भएको फाइनल खेलमा पोखरा थन्डर्सलाई २ -१ ले पराजित गर्दै उपाधि जित्न सफल भएको हो । ललितपुर लिगमा अपराजित रहँदै उपाधि जित्ने पहिलो टिम बन्यो । साथै ललितपुर लगातार दोस्रो पटक च्याम्पियन बन्दै उपाधि रक्षा गर्ने पहिलो टिम बन्यो । दशरथ रंगशालामा भएको खेलमा दर्शकको राम्रो उपस्थिति रहेको थियो।
ललितपुरका लागि दुई विदेशी खेलाडी इमोह इजेकेल र पापा इबोउ केबेले गोल गरे । पोखराका लागि एनआरएन खेलाडी सुदिल राईले एक गोल फर्काए ।
साबिक विजेता ललितपुर सिटिले पहिलो क्वालिफायरमा धनगढी एफसीलाई २–१ ले पराजित गर्दै फाइनलमा सिधैं स्थान बनाएको हो। पोखराले भने सुरुका दुई खेलमा पराजित हुँदै लिगको सुरुवात गरेको थियो । तर त्यसपछिका ४ र प्लेअफमा २ गरी पछिल्ला ६ खेलमा अपराजित रहयो ।
पोखरा थण्डर्स पहिलो पटक फाइनल पुगेको हो ।
उपाधि विजेता ललितपुरले ८० लाख र पोखराले ३० लाख रुपैयाँ पाउनेछ।
