सहर्ष न्युज, धनगढी । धनगढीमा प्रहरीले ३६ किलो भन्दा बढी चरेस बरामद गरेको छ । जिल्ला प्रहरी कार्यालय कैलालीका अनुसार बुधबार साँझ धनगढी उपमहानगरपालिका–५ को लब्ली चोकबाट ३६ किलो ६६५ ग्राम चरेस बरामद गरिएको जानकारी दिएको छ ।
स्थानीय वडा प्रहरी कार्यालयका प्रमुख प्रहरी निरीक्षक योगेश खत्री नेतृत्वको टोलीले लब्ली चोकमा मोटरसाइकल चेकजाँच गर्दा चरेस बरामद गरेको हो । तर, चरेस बोकेको १०७२ नम्बरको एनएस प्लसरका चालक र पछाडि सवार भने फरार भएका छन् । परिचय नखुलेका उनीहरूको खोजी भइरहेको प्रहरीले जानकारी दिएको छ ।
