काठमाडौं । दक्षिणी भारतीय राज्य तमिलनाडुको स्थानीय सरकारले मंगलबार ७१७ वटा सरकारी मदिरा पसल बन्द गर्न आदेश दिएको छ।
तमिलनाडु सरकारले दिएको जानकारीअनुसार तमिलनाडु स्टेट मार्केटिङ कर्पोरेशनद्वारा सञ्चालित यी रक्सी पसलहरू पूजा स्थलहरू, शैक्षिक संस्थाहरू र बस स्टेशनहरूको ५०० मिटरभित्र अवस्थित रहेको भन्दै उनीहरूलाई तत्काल बन्द गर्न भनिएको हो।
राज्य सरकारले आदेशको कार्यान्वयन दुई साताभित्र गर्नुपर्ने जनाएको छ।
भारतमा मात्राको आधारमा सबैभन्दा बढी मदिरा खपत गर्ने राज्यहरू मध्ये तमिलनाडु पनि एक हो।
भारतको गुजरात, बिहार, नागाल्यान्ड र मिजोरममा रक्सी पूर्ण रूपमा प्रतिबन्धित छ। केही अन्य राज्यहरूमा पनि यसलाई आंशिक रूपमा प्रतिबन्धित गरिएको छ।
