काठमाडौं । कोशी, मधेस र बागमती प्रदेशमा दक्षिण–पश्चिम बंगालको खाडी तथा भारतको तमिलनाडु आसपास विकसित न्यूनचापीय प्रणालीको आंशिक प्रभाव देखिएको जल तथा मौसम पूर्वानुमान महाशाखाले जनाएको छ।
महाशाखाका अनुसार आज दिउँसो कर्णाली र सुदूरपश्चिम प्रदेशका उच्च पहाडी तथा हिमाली भू–भागमा आंशिक बदली रहनेछ भने देशका अन्य भागमा मौसम सामान्यतया सफा रहनेछ।
यसैबीच, काठमाडौं उपत्यकामा आज बिहान ६ डिग्री सेल्सियस न्यूनतम तापक्रम मापन गरिएको छ। उपत्यकाको आजको अधिकतम तापक्रम १९ देखि २१ डिग्री सेल्सियसको आसपास रहने महाशाखाले पूर्वानुमान गरेको छ।
