काठमाडौँ । राष्ट्रिय प्रजातन्त्र पार्टी (राप्रपा) का सांसद दीपक बोहोराको निधन भएको छ । पोस्ट कोभिडको साइट इफेक्टले बोलीमा समस्या भएर लामो समयदेखि थेरापी गराउँदै आउनुभएका बोहोराको मङ्गलबार बिहान निधन भएको हो ।
बोहोराका स्वकीय सचिव तारामणि चन्दका अनुसार थेरापीका क्रममा घरमै अक्सिजनको मात्र एक्कासी घटेपछि ओम अस्पताल पुर्याउँदा अस्पतालले मृत घोषणा गरेको हो ।
सोमबार मात्र बोहोराको ७३ औं जन्मदिन मनाइएको थियो ।
उहाँ २०७९ सालको निर्वाचनमा रूपन्देही ३ बाट निर्वाचित प्रतिनिधिसभा सदस्य हुनुहुन्थ्यो । चुनावताका बालवाला गृहमन्त्री बालकृष्ण खाणलाई पराजित गर्दै उहाँ विजयी बन्नुभएको हो ।
उहाँकी छोरीको केही समयअघि मात्र निधन भएको थियो ।
