सौर्य चक्र सुरु हुँदा सूर्यको सतहमा न्यूनतम सङ्ख्यामा काला दागहरू हुन्छन्। वैज्ञानिकहरू त्यस्ता दागहरू हेरेर सूर्यमा हुने गतिविधिको निगरानी गर्छन्।

सूर्यमा गतिविधि बढ्दा त्यस्ता दागहरूको सङ्ख्या पनि बढ्छ।

सौर्य चक्रको मध्यबिन्दुलाई 'सोलर म्याक्सिम' भनिन्छ। त्यस बेला सूर्यमा हुने दागको सङ्ख्या अधिकतम हुन्छ र चुम्बकीय ध्रुवहरूले ठाउँ फेर्छन्।

नासा र एनओओएका अनुसार सूर्य गत वर्ष विद्यमान चक्रको उत्कर्षमा पुगेको थियो।

सूर्यका दागमा प्रकाश र ऊर्जाका ठूलाठूला विस्फोटन हुन्छन्। ती स्थानमा वरिपरिका अरू क्षेत्रमा भन्दा तापक्रम कम हुने भएकाले तिनलाई कालो देखिन्छ। अधिकांश त्यस्ता दागहरू पृथ्वीजत्रै वा पृथ्वीभन्दा ठूला हुन्छन्।

एघार वर्षको अवधिमा सौर्य चक्र उत्कर्षमा हुँदा सौर्य आँधीहरू उत्पन्न हुने सम्भावना पनि अधिक हुन्छ।