स्टार कास्ट: प्रदीप खड्का, प्रमोद अग्रहरी, दयाहाङ राई, दिभ्या रायमाझी, अनुप विक्रम शाही, दिव्य देव, सौगात मल्ल, सुरक्षा पन्त
निर्देशक: कृषा चौलागाईं

राम्रो पक्ष : पृष्ठभूमि संगीत, छायांकन, एक्सन दृश्यहरू र स्टार स्टडेड कास्टिङ ।

भाषा: नेपाली 

सञ्चालन समय: १२९  मिनेट

काठमाडौँ । चलचित्रमा दर्शकहरूलाई विविध संसारमा लैजाने, भावनात्मक अनुभूति जगाउने  र अनुभवहरूको अन्वेषण गराउने अविश्वसनीय क्षमता छ। प्रतिभाशाली प्रदीप खड्का अभिनीत र कृषा चौलागाईंद्वारा निर्देशित नेपाली चलचित्र "पिताम्बर", एउटा यस्तो प्रस्तुति हो जसले दर्शकहरूलाई यसको मूल कथामा तान्छ। प्रेम, एक्सन र बदलाको पृष्ठभूमिमा सेट गरिएको यो चलचित्रले पुरै १२९ मिनेट दर्शकहरुलाई आफ्नो कथा बस्तुमा बुनेर राख्छ।

"पिताम्बर" को कथा खड्काले खेलेको यसको शीर्ष पात्र पिताम्बरको जीवनको वरिपरि घुम्छ। उनले आफूलाई अनौठो, बिचित्र र हिंशात्मक मानिसको चित्रण गर्छन्। फिल्म उनको अशान्त सम्बन्धहरूमा गहिरो तरिकाले डुब्छ। यसले उनको बिगतको कहानीमा बढी रुचि केन्द्रित हुन्छ, र यहि चलचित्रको भावनात्मक र महत्वपुर्ण भाग हो। किन उनि हिंशात्मक भए ? बिगतको कथा ? र बर्तमान परिस्तिथि ? जस्ता कुराले दर्शकलाई चलचित्रमा बाधेर राख्छ।   

प्रदीप खड्काको अभिनय प्रशंसनीय छ। उनले आफ्नो पात्रको निर्दोषता र जटिलतालाई सहज रूपमा प्रदर्शन गरेका छन्। उनले आफ्नो स्टारडमलाई कायम राखेका छन्।    
खड्काको सह-कलाकारसँगको रसायनले फिल्मलाई झन् उचाल्छ। दिभ्या रायमाझीले कथाको माग अनुसार सुन्दर प्रदर्शन गरेकी छिन्। उनको सरल अभिनयले उनि र प्रदीपको साझा क्षणहरूलाई कोमल र विश्वासयोग्य बनाउँछ। 
दयाहाङ राईले "इन्स्पेक्टर राईको" भूमिका निकै रसिलो तरिकाले निभाएका छन्। उनले आफ्नो डाइलग व्यंग्यात्मक र प्रभाबकारी ढंगले प्रस्तुत गरेका छन्। बुद्धि तामांगले उनलाई राम्रो साथ् दिएका छन्। 
प्रमोद अग्रहरी, अनुप विक्रम शाही र दिव्य देवले तारिफ योग्य अभिनय प्रस्तुत गरेका छन्। प्रमोद अग्रहरी र अनुप विक्रम शाहीले आफ्नो पात्रको निकै गहिरो चित्रन गरेका छन्। हरेक फ्रेममा उनिहरुले परफेक्ट डिलिभरि दिएका छन्। दिव्य देवले आफ्नो थिएटरको अनुभवलाई पर्दामा उतारेका छन्। आफ्नो पात्रको स-सानो विवरणको ख्याल राखी उनले उत्तम रूपमा आफ्नो भाग निभाएका छन्।   
सौगात मल्लको उपस्थिति चलचित्रमा निकै उर्जावान रहेको छ। उनको पात्र निकै " इन्टेसट्रिङ्ग " छ।  
सुरक्षा पन्तको बिशेष उपस्थितिले चलचित्रलाई भावनात्मक साथ दिएको छ। उनको अभिनयले दर्शकहरुलाई कथासंग बाधेर राख्छ। आर्यन सिगदेलको सानो उपस्थिति रहेको छ जसले दोस्रो भागको अपेक्षा गराएको छ।  

पृष्ठभूमि संगीतले चलचित्र र कलाकारहरुलाई राम्रो साथ दिएको छ। पृष्ठभूमि संगीतले चलचित्रलाई निकै उर्जा प्रधान गरेको छ। " म त फ्यान भए " गीतले सामाजिक संजालमा राम्रो प्रतिक्रिया पाई रहेको छ।

अन्त्यमा, "पिताम्बर" एक्सन विधामा एक उल्लेखनीय चलचित्रको रूपमा देखा परेको छ। यसले चलचित्र प्रेमीहरूलाई एक आकर्षक एक्सन फिल्मको आनन्द लिन मात्र नभई नेपाली समाजको सुन्दरता र जटिलताको कदर गर्न पनि आमन्त्रित गर्दछ। एक्सन र मसलादार दृश्य दुवै प्रदान गर्ने फिल्म खोज्नेहरूका लागि, "पिताम्बर" निस्सन्देह हेर्न लायक छ। एकपटक आफ्नो नजिकैको सिनेमा घर गई यो चलचित्र अवश्य हेर्नु होला।